Imyaka ibaye uruhererekane u Rwanda rwinjiye mw’icuraburindi ritagira ibara ryazanywe na Paul Kagame icyamamare mububisha mu bugome no mu bibi bitagira umubare. Gusa hari bamwe mubambari be basangiye kumena amaraso babona ko ari iterambere ryagezweho mu Rwanda ryo kwimika akabi kabishye.
Amateka ubwayo yerekana ububi n’ubugome ndengakamere bwaranze mwene Rutagambwa na nyina Siteriya. Bigaragarira mu mazina yagiye ahabwa aho yanyuze hose kuva mumibyirukire ye, n’uko yagiye amena amaraso y’abana Imana yaremye!
Muri Uganda bamwise Pilato kubera ubugome bwe no kwica nta mpuhwe!
Muri FPR ubwaho bamwise Afande turashize, Kagosi, Mikwege, Gafuni, Rupfunyikamazi n’andi menshi nka Bagorihamba.
Mu buhanuzi no mubucurabwenge bwa cyera cyane, bamuhanuye ko ari Rwabujindiri rurya ntiruhage, bivuze ko bahanuye ko ari umugabo urya utwe n’utwabandi. Ibyo mwabisobanurirwa neza n’umuryango wa Rwigara, n’umuherwe Rujugiro, na Boss Rwayitare, n’umushoramari Mirimo.
Imari n’imitungo ya Kabuga Félicien yo yayimize bunguri yose yayigize iye!
Ubusambo n’ubugome no kubeshya nta mu President babinganya kuri iyi isi ya Rurema.
Kuba ari Ntampuhwe byo ntawabishidikanyaho kuko we ubwe yabyivugiye mu nama y’umushyikirano w’abanyamurengwe iheruka yivugiye ko niyo abanyarwanda bamwe bashira we ntacyo yahomba. Ibyo akomeje kubigaragaza aho abana b’abanyarwanda bakomeje gutikirira muri Congo ngo bararwanira inyungu z’inda ye n’urubyaro rwe gusa.
Aho kagame abera akaga, n’ibindi bihugu by’ibituranyi byamaze kumuvumbura. Président wa Congo RDC Félix Tchisekedi yasanze Kaga ari Hitler ishyano ryahekuye akarere k’ibiyaga bigari.
Umukuru w’u Burundi we yasanze Kaga ari Cyiyorobetsi gitega amahwa mubirenge by’abaturanyi. Aho kagame abera akaga yabwiye abatutsi ngo biryamire basinzire ko ibintu ari sawa ntawarasa ku Rwanda ngo ibintu bihinduke. Ibyo kandi akabivuga imyiteguro y’intambara iri mu marembo y’u Rwanda. Arabuza abanyarwanda bashishoza guhunga inzira zikigendwa mbere y’uko umuriro waka n’imvura y’amabombe yisuka ku Rwanda. Umuntu uzakomeza kwihambira ku ngoma ya FPR iri mu marembera ntazabona aho ahungira kuko ibihe biri kwerekana ko u Rwanda rurimo kugotwa impande zose kandi n’ibisirikare bikomeye.
Mwibuke ubwishongozi bwa sekibi kaga ku banyarwanda, ubwo yababwiraga ko ntanzira zishoboka zo kumukura kubutegetsi. Démocratie se?, intambara se? amatora se? Ngo ryari ? Ntagushidikanya noneho intambara yaje kandi ntawe utabibona!
Umunyarwanda uzi ubwenge ahambire utwe abe yigendeye inzira zikigendwa!
UMURUNGI CHANTAL
Inkumi ya Rubanda.